सिरहा । सिरहा जिल्ला अदालत परिसर नजिक आज दिउँसो शंकास्पद वस्तु विस्फोट हुँदा एक जना घाइते भएका छन् ।
प्रारम्भिक जानकारीअनुसार विस्फोटपछि प्रहरीले घटनास्थललाई घेरा हाली नियन्त्रणमा लिएर आवश्यक अनुसन्धान अघि बढाएको छ। विस्फोट कसले र किन गराएको हो भन्ने विषयमा भने अझै स्पष्ट तथ्य बाहिर आएको छैन ।
अधिवक्ता धनिक लाल यादवद्वारा सञ्चालित कामधेनु ल फर्म भित्र भएको विस्फोटमा उनका करिब २८ वर्षीय छोरा सौरभ यादव घाइते भएका छन् ।उनको शरीरका विभिन्न भागमा चोट लागेको छ र हाल प्रादेशिक अस्पताल सिरहामा उपचार भइरहेको छ ।
