सिरहा-बरियारपट्टी गाउँपालिका वडा नं.–२ (श्रीपुर ) का सत्यनारायण साफीले एम.बि.बि.एस. अध्ययनका लागि पूर्ण छात्रवृत्तिमा नाम निकालेका छन्। तर गम्भिर आर्थिक संङ्कटका कारण उनी अध्ययन सुरु गर्नसमेत असमर्थ भएका छन्।
साफीका बुवा वैदेशिक रोजगारमा हुँदा छोरोलाई जसोतसो खर्च पठाइरहेका थिए। उनी यसै आधारमा SEE सम्मको पढाइ श्री जनता मा.वि.बरियारपट्टी-३ बाट गरे भने +2 बिराटनगर बाट उत्तीर्ण गरेका हुन। त्यसपछि उनमा डाक्टर बनी देशलाई सेवा गर्ने सपना पलायो । उनी
सँग केही थिएन , थियो भने केवल सपना र मिहिनेत यसै सपना साकार पार्न उनले केही अनलाइन मार्फत् किताबहरू मगाई दिनभर मजदुरी गर्दै आफ्नो पढाइलाई निरन्तरता दिए।
साधारण किसान परिवारमा जन्मिएका साफीले हालै सम्पन्न चिकित्सा शिक्षा प्रवेश परीक्षामा उत्कृष्ट नतिजा हासिल गर्दै सरकारी कोटाअन्तर्गत पूर्ण छात्रवृत्तिमा एम.बि.बि.एस. अध्ययनका लागि छनोट भएका हुन्। उनी राप्ती मेडिकल कलेज दाङको घोराहीमा जसोतसो साथीभाईको सहयोगमा भर्ना त भए तर, ट्युसन शुल्क , होस्टेल खर्च, किताब–कापी तथा दैनिक जीवनयापनका लागि आवश्यक रकम जुटाउन नसक्दा उनको डाक्टर बन्ने सपना अन्योलमा परेको छ।
साफीका बुवा हाल वैदेशिक रोजगार बाट घर फर्केका हुन, उनी र उनका बुबाआमाले दैनिक मजदुरी र अरूको खेतीपातीमा काम गरी परिवार धान्दै आएका छन्। परिवारको कमजोर आर्थिक अवस्थाका कारण लाखौँ रुपैयाँ बराबरको प्रारम्भिक खर्च जुटाउन नसकिरहेको स्थानीयहरूले बताउँछन्।
यस विषयमा वडा नं.–२ का स्थानीय बासिन्दाहरूले प्रतिभाशाली विद्यार्थीको भविष्य जोगाउन स्थानीय सरकार, समाजसेवी,जनप्रतिनिधिहरू तथा सरोकारवालाहरूले सहयोग गर्नुपर्ने आवश्यकता औँल्याएका छन्। “छात्रवृत्ति पाएर पनि आर्थिक अभावका कारण पढ्न नपाउनु दुःखद हो,” एक स्थानीय अगुवाले जितेन्द्र यादवले भने।
यदि आवश्यक सहयोग जुट्न सके सत्यनारायण साफीले चिकित्सक बनेर समाज र देशको सेवा गर्ने सपना पूरा गर्न सक्ने आशा गरिएको छ। अहिले उनको परिवारले सम्बन्धित निकाय तथा दातृ संस्थाहरूसँग सहयोगको अपिल गरिरहेको छ।
