जनकपुर ।नेपाल प्रिमियर लिग (एनपीएल) का विजेता जनकपुर बोल्ट्सका खेलाडी आशिफ शेखले दाइ आरिफ शेखको टिमसँग दुईपटक पराजित भएपछि आफूलाई गाह्रो भएको र फाइनलमा उपाधि जितेर खुशी भएको बताएका छन्।
समूह चरण र पहिलो क्वालिफायरमा सुदूरपश्चिम रोयल्सले जनकपुर बोल्ट्सलाई हराएको थियो। तर, फाइनलमा आशिफको टिमले आरिफको टिमलाई हराएर उपाधि जितेको छ।
पत्रकार सम्मेलनमा आशिफले भने, “परिवारको नजरमा भने ट्रफी घरमै जाने हो, तर टिमको दृष्टिकोणबाट हामीलाई जित्नै थियो। दाइको टिमसँग दुईपटक हार्नुको पछि पनि सबैले मलाई जिस्काउन थाल्नु थियो। अब मैले जितेपछि, म पनि जिस्काउनेछु।”
