बरियारपट्टी, सिरहा – नेपाली कांग्रेस बरियारपट्टी गाउँपालिका वडा नं.-४ ले फागुन २८ गते वडा नम्बर ४ का सभापति सुमन यादवको निज निवास तेनुवापट्टीमा होली पर्वको अवसरमा होली मिलन कार्यक्रम भव्य रूपमा सम्पन्न गरेको छ।
कार्यक्रममा प्रमुख अतिथिको रूपमा पार्टीका जिल्ला सभापति रामचन्द्र यादव,बिशिस्ट अतिथिका रूपमा बरियारपट्टी गाउँ इकाई कमिटी सभापति योगेन्द्र प्रसाद यादव , गाउँपालिका स्तरका नेता , कार्यकर्ताहरू तथा स्थानीय नागरिकहरूको उपस्थितिमा उल्लासमय वातावरणमा कार्यक्रम सम्पन्न भएको हो।
कार्यक्रमको अध्यक्षता नेपाली कांग्रेस बरियारपट्टी वडा नं.-४ का पार्टी सभापति सुमन यादवको अध्यक्षतामा कार्यक्रम सम्पन्न भएको हो। पार्टीका विभिन्न नेताहरूले समृद्धि, सहिष्णुता र आपसी सद्भावको सन्देश दिँदै होली पर्वलाई सद्भाव र एकताको प्रतीकका रूपमा मनाउन आग्रह गरे। कार्यक्रममा स्थानीय कलाकारहरूले सांस्कृतिक प्रस्तुति दिएका थिए भने एकआपसमा अबिर लगाएर शुभकामना आदान-प्रदान गरिएको थियो।
जिल्ला सभापति यादवले भने नेपाली कांग्रेसले सधैं मेलमिलाप र विकासलाई प्राथमिकता दिएको उल्लेख गर्दै यस प्रकारका कार्यक्रमले समाजमा सकारात्मक ऊर्जा फैलाउने बताए। कार्यक्रममा उपस्थित स्थानीय जनप्रतिनिधिहरू, युवाहरू, महिला समूह तथा अग्रज कार्यकर्ताहरूले होली पर्वको शुभकामना व्यक्त गर्दै एकताबद्ध भएर अगाडि बढ्न आह्वान गरे।
कार्यक्रममा कांग्रेसका जिल्ला नेताहरू तथा नेकपा एमाले ,जसपा नेपाल लगायतका नेताहरूको उपस्थिति रहेको थियो।
होली मिलन समारोह भव्यताका साथ सम्पन्न गर्न सहयोग पुर्याउने सबैलाई धन्यवाद दिँदै आयोजक सुमन यादवले कार्यक्रम समापन गरिएको थियो।
