काठमाडौं । प्रधानमन्त्री केपी शर्मा ओलीले पदबाट राजीनामा दिएको २४ घण्टा नाघिसक्दा पनि नयाँ सरकार गठनको प्रक्रिया सुरु हुन सकेको छैन ।
आन्दोनरत पक्ष जेन–जीबिच प्रधानमन्त्री कसलाई बनाउने भन्ने विषयमा निष्कर्षमा पुग्न नसक्दा ढिलो भएको हो । तर, बुधबार लामो समय चलेको जेन–जीबिचको भर्चुवल बैठकमा भने पूर्वप्रधानन्यायाधीश सुशीला कार्कीलाई पपुलिष्ट भोट आएको छ ।
जेन–जी पुस्तामा सबैभन्दा बढी लोकप्रिय रहेका काठमाडौं महानगरपालिकाका मेयर बालेन्द्र साह सम्पर्कमा नआएपछि कार्कीलाई पपुलिष्ट मत परेको हो ।
प्रधानमन्त्रीमा कुलमान घिसिङ, सागर ढकाल, हर्क सामपाङ, र्यान्डम नेपाली नामबाट चिनिने राष्ट्रविमोचन तिमल्सिना लगायतको नाम पनि चर्चामा आएका थिए ।
जेन–जीबाट सबैभन्दा बढी समर्थन पाएकी सुशीला कार्कीलाई अब अन्तरिम सरकारको प्रमुख बनाउने तयारी छ ।
नेपालको पहिलो प्रधानन्यायाधीश बनेकी उनलाई पहिलो महिला प्रधानमन्त्री बनेर राष्ट्रको सेवा गर्ने अवसर पाउने भएकी छन् ।
कार्की नेपाल सर्वोच्च अदालतको प्रथम महिला प्रधानन्यायाधीश हुन् । उनी २०७३ वैशाख ११ गतेसर्वोच्च अदालतको प्रधानन्यायाधीशमा नियुक्त भएकी थिइन् ।