सर्लाहीको हरिपुर्वा नगरपालिकामा लामखुट्टे धपाउनको लागि औषधि छर्कने क्रममा गाडीमा आगलागी हुँदा दुई जाना गम्भीर घाइते भएका छन् भने औषधि छर्कने मेसिन समेत पूर्ण रुपमा जलेर नस्ट भएको छ।
मंगलबार राती करिब सवा १० बजे हरिपुर्वा न.पा वडा न-४ स्थित डुमरिया टोलमा रौतहटको गौर न.पा बाट मगाइएको मधेस प्रदेश ०३-००१झ ०११८ नम्बरको पिकअप गाडीमा, औषधि क्षर्ने क्रममा अचानक आगो लगदा सोही गाडीमा सवार गौर न.पा-८ बस्ने गोतन साहका छोरा अन्दाजी वर्ष २५ को लक्ष्मीनारायण साह र सोही पालिकाको वडा न-४ बस्ने सरजुग पंडितको छोरा अन्दाजी वर्ष ५० को गेना पंडित घाइते भएका छन् ।
दुर्घटना भए लगत्तै घटनास्थलमा पुगेका प्रहरी टोली घाइते दुवै जनाको उद्धार गरि थप उपचारको लागि एम्बुलेन्समा राखेर जनकपुर पठाएको जिल्ला प्रहरी कार्यालय सर्लाहीले जनाएको छ।
