सिरहा-समाजसेवा, पत्रकारिता र साहित्यका क्षेत्रमा चार दशकभन्दा बढी समयदेखि निरन्तर सक्रिय रहेका वरिष्ठ पत्रकार एवं समाजसेवी रामरिझन यादवलाई ‘पद्मप्रसाद–कृष्णकुमारी दाहाल सामाजिक सम्मान पुरस्कार–२०८२’ प्रदान गरिने भएको छ।
दाहाल प्रतिष्ठानले शुक्रबार जारी गरेको विज्ञप्तिअनुसार यादवको दीर्घकालीन योगदान, सामाजिक सद्भाव र सहअस्तित्व प्रवर्द्धनमा खेलेको भूमिकाको उच्च मूल्यांकन गर्दै उक्त सम्मान प्रदान गर्ने निर्णय गरिएको हो।
पुरस्कारअन्तर्गत यादवलाई नगद रु. १ लाख १ हजारसहित सम्मानपत्र प्रदान गरिनेछ। प्रतिष्ठानका अनुसार उनले समाजसेवा, पत्रकारिता, प्राध्यापन र लेखनमार्फत समाज रूपान्तरणमा महत्वपूर्ण भूमिका निर्वाह गरेका छन्। विशेषगरी सामाजिक सद्भाव, मानवीय मूल्य र सहअस्तित्वको संरक्षणमा उनको योगदान उल्लेखनीय मानिएको छ।
वि.सं. २०१६ फागुन १७ गते सिरहाको सन्हैठामा जन्मिएका यादव नेपाली तथा मैथिली भाषाका सर्जकका रूपमा परिचित छन्। उनले वातावरण, विज्ञान, समाज तथा सांस्कृतिक विषयमा केन्द्रित आठभन्दा बढी कृति प्रकाशन गरिसकेका छन्। उनका लेखनले वातावरणीय समस्या र समाधानका विषयमा जनचेतना विस्तार गर्न उल्लेखनीय योगदान दिएको मानिन्छ। मधेश आन्दोलनसम्बन्धी उनको कृति ‘ब्ल्याकआउट्स’ अध्ययन–अनुसन्धानका लागि सन्दर्भ सामग्रीका रूपमा लिइन्छ।
यादवले महेन्द्र मोरङ आदर्श बहुमुखी क्याम्पसमा करिब दुई दशक विज्ञान विषय अध्यापन गरेका थिए। हाल उनी सिरहा जिल्लालाई कार्यक्षेत्र बनाएर सक्रिय रहँदै आएका छन्। बरियारपट्टीस्थित हुलाकी बहुमुखी क्याम्पस स्थापनामा उनको विशेष योगदान रहेको उल्लेख गरिएको छ।
पत्रकारितामा समेत उनले महत्वपूर्ण योगदान पुर्याएका छन्। नेपाल पत्रकार महासंघबाट ‘स्वतन्त्रता सेनानी सम्मान’ सहित वातावरण पत्रकारिता पुरस्कारलगायत दर्जनौं सम्मान प्राप्त गरिसकेका यादवले प्रधानमन्त्रीका प्रेस सल्लाहकार तथा नेपाल प्रेस काउन्सिल सदस्यका रूपमा समेत कार्य गरिसकेका छन्।
यो पुरस्कार विराटनगरका समाजसेवी बद्रीप्रसाद पहाडी दाहालले आफ्ना स्वर्गीय मातापिताको स्मृतिमा स्थापना गरेका हुन्। रु. १० लाखको अक्षयकोषबाट प्राप्त ब्याजमार्फत हरेक वर्ष समाजमा विशिष्ट योगदान पुर्याउने व्यक्तित्वलाई सम्मान गर्ने परम्परा रहेको प्रतिष्ठानले जनाएको छ।
प्रतिष्ठानका महासचिव सूर्यकुमार दाहालद्वारा हस्ताक्षरित विज्ञप्तिमा यस वर्षको सम्मान यादवलाई प्रदान गर्ने निर्णय गरिएको उल्लेख गर्दै यस्ता कार्यक्रममार्फत समाज परिवर्तनमा योगदान पुर्याउने व्यक्तित्वलाई प्रोत्साहन गर्ने नीति निरन्तर रहने जनाइएको छ।५ वटा उत्कृष्ट हेडलाईन तयार गर्नुहोस् ।
दाहाल प्रतिष्ठानद्वारा रामरिझन यादव सम्मानित
१.वरिष्ठ पत्रकार तथा समाजसेवी रामरिझन यादवलाई ‘पद्मप्रसाद–कृष्णकुमारी दाहाल सामाजिक सम्मान पुरस्कार–२०८२’ प्रदान गरिने निर्णय भएको छ।२. दाहाल प्रतिष्ठानले उनको चार दशकभन्दा बढीको समाजसेवा, पत्रकारिता र साहित्यिक योगदानको कदर गर्दै सम्मान दिने जनाएको छ।३. पुरस्कारअन्तर्गत नगद रु. १ लाख १ हजारसहित सम्मानपत्र प्रदान गरिनेछ। ४.यादव नेपाली र मैथिली भाषाका सर्जक हुन्, जसले वातावरण, समाज र मधेश आन्दोलनसम्बन्धी कृतिमार्फत महत्वपूर्ण योगदान दिएका छन्। ५.उनले प्राध्यापन, पत्रकारिता र सामाजिक कार्यमार्फत समाज रूपान्तरणमा भूमिका खेलेका छन् र विभिन्न राष्ट्रिय सम्मानसमेत प्राप्त गरिसकेका छन्।
तपाईको प्रतिक्रिया
सम्बन्धित खबर
